طاجين بطريفات لحم الغنمي مزين...
السلام عليكم و رحمة الله تعالى و بركاته
اولا شديت الحم قطعتو طريفات بحال اللي غاديا نصايبو قطبان رقدتو فليقامة ابزار ملح سكين جبير خرقوم ربيع مقطع ثوم محكوكة زعفران حر شوية ملون شوية ليقامتي الخاصة باللحم بصلة مشلظة خليتهم باتو فثلاجة فصباح حطيتهم فطاجين خليتهم تقلاو مزيان عاد زدت ليهم شوية زيت العود بصلة شرائح
غطيت عليهم حتى طابو على نار مهيلة
من بعد شديت تفاحة نقيتها قطعتها دوائر درتها تفور فلكسكاس شي 5 دقايق هكاك من بعد حطيت دوائر فوق ورق المنيوم دهنتهم بشوية زبدة دخلتهم لفران يشدو راسهم شوية و ينشفو
و شديت تفاحة قطعتها مربعات زدت عليها شوية ماء
سنيدة قرفة فاني م ص كونفتير شوية ماء الزهر درتهم فوق نار مهيلة
مين بدا يتعسل التفاح زدت عليه شوية زبيب مرطب فلما خليت الكل حتى تعسلو مزيان
فالتزيين حطيت دوائر التفاح فوق كل دائرة معلقة من تفاح المعسل مع زبيب و درت الوسط وريدات ببطاطا
و كملت التزيين ببطاطا مقلية
بالصحة و الراحة
السلام عليكم و رحمة الله تعالى و بركاته
ناخد طريفات اللحم نضيف ليهم ربيع مقطع ملح سكين جبير خرقوم ابزار زعفران معلقة من ليقامة الخاصة باللحم نخلط الكل مع شوية الماء نخلي اللحم يرقد فليقامة مدة ساعتين
من بعد نوضعو فطاجين او مقلة نغطي عليه نخليه يتقلى مزيان
من بعد نضيف ليه بصلة محكوكة شوية زيت لعود
ناخد مول نحط فيه شوية مطيشة محكوكة فوقها 2 بطاطات مقطعين دوائر
ثم اللوبيا و الللحم فالوسط
نحك فوقو مطيشة ثم نرش من فوق شوية الربيع
نغطي المول بورق المنيوم ندخله الفرن
ثم يقدم
بالصحة و الراحة
