طيحال معمر مقدم بطريقة جديدة
السلام عليكم و رحمة الله تعالى و بركاته
اولا ناخدو بصلة نشلظوها نزيد ليها وريقات موسى شوية زيت العود
نديروها فوق النار مين تدبال نضيفو ليها طريفات اللحم مقطعين رقاق
من بعد ما يتشحرو مزيان نضيف ليهم ربيع مقطع تحميرة كمون ملح خرقوم معلقة من ليقامتي الخاصة باللحم شوية عطرية الكفتة شوية سكين جبير شوية ابزار معيلقة مطيشة الحك
نخلط الكل و نغطي على لحيمات حتى يشربو ليقامة و يطيبو نضيفو زيتون مقطع
من بعد نقصو من الخليط شوية الجهد اللي يعمر لينا طيحال
و لعمارة اللي بقات لينا نضيفو ليها شعرية صينية بعد ما رطبناها فلما و قطعناها بلمقص نديروها تشحر مع لعمارة حتى ينشف الخليط
ناخدو طيحال نفتحوهم بموس و نعمروهم او نحاولو بشوية باش ميتحلوش لينا من شي بلاصة و نخيطوهم
من بعد نحطوهم فطاوة مفرشة بورق المنيوم نرشهم من فوق بشوية زيت العود شوية ملح شوية ليقامة الخاصة باللحم
ندخلوهم لفران من بعد ما يطيبو
نقطعم بشكل طولي فطبق نحط خليط شعرية صينية نزوقوها بالطيحال
بصحتكم و راحتكم
